ಬಾಲಕೃಷ್ಣ – ದುನಿಯಾ ವಿಜಯ್ ನಟನೆಯ ಸಿನಿಮಾದ ಟೈಟಲ್ ರಿವೀಲ್..!!
ಸ್ಯಾಂಡಲ್ ವುಡ್ ನ ಕರಿಚಿರತೆ,,, ದುನಿಯಾ ವಿಜಯ್ ಸಲಗ ಸಿನಿಮಾದಲ್ಲಿ ನಿರ್ದೇಶಕನಾಗಿಯೂ ಸಕ್ಸಸ್ ಕಂಡ ನಂತರ ಮತ್ತೊಂದು ಹೊಸ ಪ್ರಯೋಗದಂತೆ ತೆಲುಗು ಇಂಡಸ್ಟ್ರಿಗೆ ಕಾಲಿಟ್ಟಿರುವ ವಿಚಾರ ಎಲ್ರಿಗೂ ಗೊತ್ತಿದೆ.. ಜೊತೆಗೆ ವಿಲ್ಲನ್ ಆಗಿ ಕಾಣಿಸಿಕೊಳ್ತಿರುವುದು,,, ಅದ್ರಲ್ಲೂ ತೆಲುಗಿನ ಸ್ಟಾರ್ ನಟ ಬಾಲಯ್ಯ ಸಿನಿಮಾದಲ್ಲಿ ಅನ್ನುವುದು ವಿಶೇಷ.. ನಂದಮುರಿ ಬಾಲಕೃಷ್ಣ ಅವರ 107 ಸಿನಿಮಾ ಮೂಲಕ ದುನಿಯಾ ವಿಜಯ್ ಅವರು ಟಾಲಿವುಡ್ ಪ್ರವೇಶ ಮಾಡುತ್ತಿದ್ದಾರೆ. ಈ ಬಗ್ಗೆ ಕೆಲ ಸಮಯದ ಹಿಂದೆಯೇ ಘೋಷಣೆಯಾಗಿತ್ತು.
ಆದ್ರೆ ಈ ಸಿನಿಮಾದ ಟೈಟಲ್ ಈವರೆಗೂ ಘೋಷಣೆಯಾಗಿರಲಿಲ್ಲ… ಶೃತಿ ಹಾಸನ್ ನಾಯಕಿಯಾಗಿ ನಟಿಸುತ್ತಿರುವ ಈ ಸಿನಿಮಾದ ಟೈಟಲ್ ಈಗ ಘೋಷಣೆಯಾಗಿದೆ.. ಹೌದು ಈ ಸಿನಿಮಾಗೆ ‘ ಅಣ್ಣಗಾರು’ ಎಂದು ಟೈಟಲ್ ಇಡಲಾಗಿದೆ.. ಅಖಂಡ ಸಿನಿಮಾದ ಸಕ್ಸಸ್ ನ ನಂತರ ಬಾಲಕೃಷ್ಣ ವರು ಈ ಸಿನಿಮಾದಲ್ಲಿ ನಟಿಸುತ್ತಿದ್ದು ಇದು ಸಹ ಮಸ್ತ್ ಪವರ್ ಪ್ಯಾಕ್ಡ್ ಸಿನಿಮಾವೇ ಆಗಿರಲಿದೆ..
ಚಿತ್ರಕ್ಕೆ ಗೋಪಿಚಂದ್ ಆಕ್ಷನ್ ಕಟ್ ಹೇಳುತ್ತಿದ್ದಾರೆ.. ಮೈತ್ರಿ ಮೂವಿ ಮೇಕರ್ಸ್ ಚಿತ್ರಕ್ಕೆ ಬಂಡವಾಳ ಹೂಡುತ್ತಿದೆ. ಈ ಸಿನಿಮಾದಲ್ಲಿ ಶೃತಿ ಹಾಸನ್ ಹಾಗೂ ವರಲಕ್ಷ್ಮಿ ಶರತ್ ಕುಮಾರ್ ಕೂಡ ನಟಿಸುತ್ತಿದ್ದಾರೆ. ಅಂದಹಾಗೆ ಕೆಲವೇ ದಿನಗಳ ಹಿಂದೆ ದುನಿಯಾ ವಿಜಯ್ ತಮ್ಮ ಹೊಸ ಚಿತ್ರ ‘ಭೀಮ’ವನ್ನು ಅನೌನ್ಸ್ ಮಾಡಿದ್ದರು..
