Upendra – RGV : ರಾಮ್ ಗೋಪಾಲ್ ವರ್ಮಾ ಜೊತೆ ಭೂಗತ ಸಿನಿಮಾದಲ್ಲಿ ಉಪ್ಪಿ
ಕಾಂಟ್ರವರ್ಸಿ ಡೈರೆಕ್ಟರ್ ಎಂದೇ ಖ್ಯಾತಿ ಪಡೆದಿರುವ ರಾಮ್ ಗೋಪಾಲ್ ವರ್ಮ ಅವರ ಜೊತೆಗೆ ಸ್ಯಾಂಡಲ್ ವುಡ್ ನ ರಿಯಲ್ ಸ್ಟಾರ್ ಉಪೇಂದ್ರ ಸಿನಿಮಾ ಮಾಡಲು ಹೊರಟಿದ್ದಾರೆ.. ಈ ವಿಚಾರ ಕೆಲ ದಿನಗಳಿಂದ ಸೌಂಡ್ ಮಾಡಿದೆ..
ಆದ್ರೆ ಅಪ್ ಡೇಟ್ ಏನಂದ್ರೆ ಇದು ಭೂಗತ ಜಗತ್ತಿನ ಕಥೆಯಾಧಾರಿತ ಸಿನಿಮಾ ಅನ್ನೋದು..
ಅಂದ್ಹಾಗೆ ಉಪೇಂದ್ರ , ಆರ್ ಜಿವಿ ಇಬ್ಬರೂ ವಿಭಿನ್ನ ಕಾರಣಗಳಿಂದಲೇ ಡಿಫರೆಂಟ್.. ಡಿಫರೆಂಟ್ ಸಿನಿಮಾ ಮಾಡೋದ್ರಲ್ಲಿ ಎಕ್ಸ್ ಪರ್ಟ್ಸ್.. ಅಂತಹದ್ರಲ್ಲಿ ಇವರಿಬ್ಬರ ಕಾಂಬಿನೇಷನ್ ಸಿನಿಮಾ ಅಂದ್ರೆ ಸಾಕಷ್ಟು ನಿರೀಕ್ಷೆ ಇದ್ದೇ ಇರುತ್ತೆ..
ರಾಮ್ ಗೋಪಾಲ್ ವರ್ಮಾ ತಮ್ಮ ಟ್ವಿಟ್ಟರ್ನಲ್ಲಿ, ನನ್ನ ಮುಂದಿನ ಸಿನಿಮಾ ಉಪೇಂದ್ರ ಜೊತೆ ಮಾಡುತ್ತಿದ್ದೇನೆ ಎಂದು ಘೋಷಿಸಲು ಸಂತೋಷವಾಗುತ್ತಿದೆ. ಭಾರತದ ಕ್ರಿಮಿನಲ್ ಇತಿಹಾಸದಲ್ಲಿ ವಿಸ್ಮಯಕಾರಿಯಾಗಿ ವಿಶಿಷ್ಟವಾದ ದರೋಡೆಕೋರನನ್ನು ಆಧರಿಸಿ ‘ಆರ್’ ಎಂಬ ಶೀರ್ಷಿಕೆಯಲ್ಲಿ ಸಿನಿಮಾ ಮಾಡುತ್ತಿದ್ದೇವೆ. ಇದನ್ನು ಎ ಸ್ವ್ಕೇರ್ ಪ್ರೋಡಕ್ಷನ್ಸ್ ನಿರ್ಮಿಸಿದೆ ಎಂದು ಟ್ವೀಟ್ ಮಾಡಿದ್ದಾರೆ.
ರಾಮ್ ಗೋಪಾಲ್ ವರ್ಮಾ ಅವರು ಶೇರ್ ಮಾಡಿರುವ ‘ಆರ್’ ಸಿನಿಮಾದ ಒಂದೆರಡು ಗ್ಲಿಂಪ್ಗಳನ್ನು ಹಾಕಿದ್ದು, ಅದರಲ್ಲಿ ಉಪ್ಪಿ ಖಡಕ್ ಲುಕ್ ನಲ್ಲಿ ಕಾಣಿಸಿಕೊಂಡಿದ್ದಾರೆ.
ವೀಡಿಯೋಗೆ ಅಭಿಮಾನಿಗಳು ಫಿದಾ ಆಗಿದ್ದಾರೆ. ಈ ವೀಡಿಯೋದಲ್ಲಿ, ಉಪೇಂದ್ರ ಚಾಕುವಿನಿಂದ ತನ್ನ ಬೆರಳುಗಳನ್ನು ಉಜ್ಜುವುದು, ನಂತರ ಅದನ್ನು ಚುಂಬಿಸುವುದನ್ನು ಕಾಣಬಹುದು ಸಖತ್ ಡಿಫರೆಂಟಾಗಿದೆ..
ಈ ಸಿನಿಮಾದಲ್ಲಿ ಉಪೇಂದ್ರ ಅವರು ಬೆಂಗಳೂರಿನಲ್ಲಿ ಮಾತ್ರವಲ್ಲದೆ ಮುಂಬೈನ ಮಾಫಿಯಾ ಮತ್ತು ದುಬೈನ ಡಿ ಕಂಪನಿಯನ್ನು ಹೆದರಿಸುವ ಭಯಾನಕ ದರೋಡೆಕೋರನ ಪಾತ್ರದಲ್ಲಿ ಕಾಣಿಸಿಕೊಳ್ಳಲಿದ್ದಾರೆ.