BiggBoss Kannada 9 ಸಾಕಷ್ಟು ರೋಚಕತೆಯಿಂದ ಸಾಗುತ್ತಿದೆ.. ಟಾಸ್ಕ್ ಗಳು , ಹೊಸ ಹೊಸ ಗಾಸಿಪ್ ಗಳು , ಫೈಟ್ ಗಳು ಜನರನ್ನ ಸಖತ್ ಮನರಂಜಿಸುತ್ತಿದ್ದು , ಹದಿಮೂರನೇ ದಿನ ಮನೆಯ ಸದಸ್ಯರನ್ನ ಬಿಗ್ ಬಾಸ್ ಫೂಲ್ ಮಾಡಿದ್ದಾರೆ..
ಇದ್ದಕ್ಕಿದ್ದಂತೆ ನಗುತ್ತಿದ್ದವರ ಮೊಗದಲ್ಲಿ ದುಃಖ ಮ್ಮಡಿಸಿದ್ದು ಕಂಡು ಬಂತು.. ಕಿತ್ತಾಟ , ಪರಸ್ಪರ ಬೈದಾಡಿಕೊಳ್ಳುವುದೂ ನಡೆದಿದೆ.. ಎಲ್ಲರನ್ನೂ ಪ್ರಾಂಕ್ ಮಾಡುತ್ತಾ ತಿರುಗಾಡುವ ರಾಕೇಶ್ ವಿರುದ್ಧ ಅನುಪಮಾ, ನೇಹಾ, ಅಮೂಲ್ಯ ಪ್ರ್ಯಾಂಕ್ ಮಾಡಲು ಮಹಾ ಪ್ಲಾನ್ ಮಾಡಿಕೊಂಡಿದ್ದರು.. ಪ್ರ್ಯಾಂಕ್ ಮಾಡಲೆಂದು ರಾಕೇಶ್ನ ಬಟ್ಟೆ ಬಚ್ಚಿಟ್ಟಿದ್ದರು. ಅಲ್ಲಿ ಇಲ್ಲಿ ಹುಡುಕಿ ಕೊನೆಗೆ ರಾಕೇಶ್ ಗೆ ಹೇಗೋ ತನ್ನ ಬಟ್ಟೆ ಸಿಕ್ಕಿತು.
ಆ ನಂತರ ಮನೆಯಲ್ಲಿ ಕ್ಯಾಪ್ಟೆನ್ಸಿ ಟಾಸ್ಕ್ ನಡೆಯಬೇಕಿತ್ತು. ನಾಲ್ಕು ಟಾಸ್ಕ್ ಗಳಲ್ಲಿ ಗೆದ್ದಿರುವ ಅನುಪಮಾ ತಂಡಕ್ಕೆ ಗುಡ್ ಎಂದು ಬಿಗ್ ಬಾಸ್ ಪ್ರಶಂಸೆ ವ್ಯಕ್ತಪಡಿಸಿದ ಬಿಗ್ ಬಾಸ್ ಮನೆ ಮಂದಿಗೆ ಶಾಕ್ ಕೂಡ ನೀಡಿದ್ದರು..
ಆರ್ಯವರ್ಧನ್ ಅವರು ಕ್ಯಾಪ್ಟನ್ ಆಗಲು ಉತ್ಸಾಹದಿಂದಿರುವುದನ್ನು ತಿಳಿದು, ರಾಕೇಶ್, ಅನುಪಮಾ, ವಿನೋದ್, ಸಾನ್ಯಾ, ದಿವ್ಯಾ ಹಾಗೂ ಇತರರು ಕ್ಯಾಪ್ಟೆನ್ಸಿ ಟಾಸ್ಕ್ ಗೆ ಆರ್ಯವರ್ಧನ್ ಗುರೂಜಿ ಅವರ ಹೆಸರು ಹೇಳದೆ ತರೇ ನಾಲ್ಕು ಜನರನ್ನು ಆರಿಸಿದ್ದರು. ಆ ಬಳಿಕ ಆರ್ಯವರ್ಧನ್ ಗೆ ತಾವು ಮಾಡಿದ್ದು ತಮಾಷೆಗೆ ಎಂದು ಹೇಳಿದ್ದರು.
ಆದರೆ ಇದನ್ನು ಗಂಭೀರವಾಗಿ ಪರಿಗಣಿಸಿದ್ದ ಬಿಗ್ ಬಾಸ್, ಅನುಪಮಾ ತಂಡದವರು ಆರಿಸಿದ್ದ ರಾಕೇಶ್, ದರ್ಶ್, ಅನುಪಮಾ ಅವರುಗಳನ್ನೇ ಕ್ಯಾಪ್ಟೆನ್ಸಿ ಟಾಸ್ಕ್ ಗೆ ಪರಿಗಣಿಸುತ್ತಿರುವುದಾಗಿ ಹೇಳಿಬಿಟ್ಟರು. ಈ ಮೂಲಕ ರಾಕೇಶ್, ಅನುಪಮಾ ಹಾಗೂ ಇಡೀ ತಂಡಕ್ಕೆ ಶಾಕ್ ನೀಡಿದ್ದರು.
ಇದಾದ ಬಳಿಕ ಪ್ರಶಾಂತ್ ಸಂಬರ್ಗಿ , ಅರುಣ್ ಸಾಗರ್, ದೀಪಿಕಾ, ನೇಹಾ ಹಾಗೂ ಇತರರು ರಾಕೇಶ್, ಅನುಪಮಾ ಹಾಗೂ ತಂಡಕ್ಕೆ ಬಯ್ಯಲಾರಂಭಿಸಿದ್ದರು.. ಜವಾಬ್ದಾರಿಯಿಲ್ಲದೆ ಪ್ರ್ಯಾಂಕ್ ಮಾಡಿದ್ದೀರಿ ಎಂದು ಗರಂ ಆಗಿದ್ದರು.. ಅರುಣ್ ಸಾಗರ್ ಸಾನ್ಯಾ ಮೇಲೆ ಸಿಟ್ಟು ತೋರಿಸಿಕೊಂಡ್ರೆ , ಪ್ರಶಾಂತ್ ಸಂಬರ್ಗಿ, ವಿನೋದ್ ವಿರುದ್ಧ ಕೋಪ ತೋರಿಸಿಕೊಳ್ತಾರೆ..
ನೇಹಾ, ರಾಕೇಶ್ ವಿರುದ್ಧ ಕಿಡಿಕಾರುತ್ತಾರೆ.. ದರ್ಶ್ ಹಾಗೂ ಇತರರು ಸೀನಿಯರ್ ಗಳ ಮೇಲೆ ಕಿಡಿಕಾರುತ್ತಾ ನೀವು ಏಕೆ ನಮಗೆ ಎಚ್ಚರಿಸಲಿಲ್ಲ ಎಂದು ಪ್ರಶ್ನೆ ಮಾಡ್ತಾರೆ.
ಆ ನಂತರ ಪ್ರ್ಯಾಂಕ್ ಪ್ಲ್ಯಾನ್ ಮಾಡಿದ ರಾಕೇಶ್ ಬಿಗ್ ಬಾಸ್ ಬಳಿ ಕ್ಷಮೆ ಕೇಳಿ, ನೇರವಾಗಿ ನಾಮಿನೇಟ್ ಆಗಲು ರೆಡಿ ಎನ್ನುತ್ತಾರೆ. ಜೊತೆಗೆ ಇಡೀ ತಂಡದವರು ಕ್ಷಮೆ ಕೇಳಿದರು. ಆ ನಂತರ ಬಿಗ್ ಬಾಸ್ ಮಾತನಾಡಿ ಇದೊಂದು ಟಾಸ್ಕ್ ಎಂದು ಹೇಳಿದಾಗ ಲ್ಲರೂ ನಿರಾಳರಾದರು.
ಟಾಸ್ಕ್ ನಲ್ಲಿ ಗೆದ್ದ ಆರ್ಯವರ್ಧನ್ ಬಳಿಕ ಕ್ಯಾಪ್ಟೆನ್ಸಿ ಟಾಸ್ಕ್ ಗೆ ನಾಲ್ಕು ಜನರನ್ನು ಆಯ್ಕೆ ಮಾಡಬೇಕಾಗಿತ್ತು. ಅನುಪಮಾ ತಂಡದಿಂದ ಆರ್ಯವರ್ಧನ್, ಅಮೂಲ್ಯಾ, ದಿವ್ಯಾ ಉರುಡುಗ, ದರ್ಶ್ ಚಂದಪ್ಪ ಅವರನ್ನು ಕಳಿಸಲಾಯ್ತು. ಆ ಟಾಸ್ಕ್ ನಲ್ಲಿ ಆರ್ಯವರ್ಧನ್ ಗುರೂಜಿ ಗೆದ್ದರು…
ಆದರೆ ಅವರಿಗೆ ಪರೋಕ್ಷವಾಗಿ ರಾಕೇಶ್ , ರೂಪೇಶ್ ಸಹಾಯ ಮಾಡಿದ್ದು ಕೆಲವರ ಅಸಮಾಧಾನಕ್ಕೂ ಕಾರಣವಾಯ್ತು… ಆದರೆ ಸದ್ಯ ರ್ಯವರ್ಧನ್ ಗುರೂಜಿ ಅವರಂತೂ ಕ್ಯಾಪ್ಟನ್ ಆಗಿ ಖುಷಿ ಪಟ್ಟರು.. ಅಲ್ಲದೇ ಆರ್ಯವರ್ಧನ್ ಅವರ ಮಗಳ ಸಂದೇಶ ಕೂಡ ವೇಳೆ ಪ್ರಸಾರಮಾಡಲಾಯ್ತು..
ನಂತರ ಕಳಪೆ ಆಯ್ಕೆ ಮಾಡುವ ಹಂತದಲ್ಲಿ ರಾಕೇಶ್ ಹಾಗೂ ವಿನೋದ್ ಗೆ ಸಮಾನ ಮತಗಳು ಬಂದ ಹಿನ್ನೆಲೆ ಕ್ಯಾಪ್ಟನ್ ಆದ ರ್ಯವರ್ಧನ್ ಗುರೂಜಿ ಅವರಿಗೆ ಅಂತಿಮ ಆಯ್ಕೆಯ ಹಕ್ಕು ಸಿಕ್ಕಿತ್ತು.. ಆಗ ಅವರು ರಾಕೇಶ್ ಗೆ ಕಳಪೆ ನೀಡಿದರು.. ರಾಕೇಶ್ ಜೈಲಿಗೆ ಹೋಗುವಂತಾಯಿತು..