Liger : ಪುರಿ ಜಗನ್ನಾಥ್ ನಿರ್ದೇಶಿಸಿ , ವಿಜಯ್ ದೇವರಕೊಂಡ ನಟಿಸಿದ್ದ ಬಹುನಿರೀಕ್ಷೆಯ ಪ್ಯಾನ್ ಇಂಡಿಯನ್ ಸಿನಿಮಾ ಲೈಗರ್ ಅಟ್ಟರ್ ಫ್ಲಾಪ್ ಆಗಿತ್ತು.. ಅಲ್ಟ್ರಾ
ಡಿಸಾಸ್ಟರ್ ಅಂತಲೇ ಕರೆಸಿಕೊಳ್ತು.. ಸಿನಿಮಾದಿಂದ ವಿತರಕರು ಸಾಕಷ್ಟು ನಷ್ಟ ಅನುಭವಿಸಿದರು.. ಚಾರ್ಮಿ , ಪುರಿ , ವಿಜಯ್ ದೇವರಕೊಂಡ , ಅನನ್ಯಾ ಪಾಂಡೆ ಸಿಕ್ಕಾಪಟ್ಟೆ ಟ್ರೋಲ್ ಗೆ ಗುರಿಯಾದ್ರು..
ಆದ್ರೆ ನಷ್ಟ ಭರಿಸುವಂತೆ ವಿತರಕರು ನಿರ್ದೇಶಕ ಹಾಗೂ ಸಿನಿಮಾತಂಡವನ್ನ ಒತ್ತಾಯ ಮಾಡ್ತಿದ್ದು ಧರಣಿಗೂ ನಿರ್ಧಾರ ಮಾಡಿದ್ದ ಹೊತ್ತಲ್ಲೇ ಏನ್ ಮಾಡಿಕೊಳ್ತೀರೋ ಮಾಡಿಕೊಳ್ಳಿ ನಯಾ ಪೈಸೆ ಕೊಡಲ್ಲ ಎಂದಿದ್ದರು ಪುರಿ ಜಗನ್ನಾಥ್..
ಇದೀಗ ಪುರಿ ಜಗನ್ನಾಥ್ ತಮ್ಮ ಹಾಗೂ ತಮ್ಮ ಕುಟುಂಬಕ್ಕೆ ಜೀವ ಬೆದರಿಕೆ ಇದೆ ಎಂದು ದೂರು ದಾಖಲಿಸಿದ್ದಾರೆ..
ವಿತರಕರ ವಿರುದ್ಧ ಜೂಬ್ಲಿ ಹಿಲ್ಸ್ ಪೊಲೀಸ್ ಠಾಣೆಯಲ್ಲಿ ಪುರಿ ಜಗನ್ನಾಥ್ ದೂರು ದಾಖಲು ಮಾಡಿದ್ದಾರೆ..
ಹೌದು..!
ಆ.25 ಕ್ಕೆ ರಿಲೀಸ್ ಆಗಿದ್ದ ಲೈಗರ್ ಹೀನಾತಿಹೀನವಾಗಿ ಸೋತಿತ್ತು.. ವಿತರಕರಿಗೆ ನಷ್ಟವಾಗಿತ್ತು.. ಆಗ ಸಿನಿಮಾದ ನಿರ್ಮಾಪಕರ ಪೈಕಿ ಬ್ಬರಾಗಿದ್ದ ಪುರಿ ಒಂದಷ್ಟು ಮೊತ್ತವನ್ನ ಹಿಂದಿರುಗಿಸುವ ಭರವಸೆ ನೀಡಿದ್ದರು.. ಆದ್ರೆ ಪಾರ್ಟಿಯೊಂದ್ರಲ್ಲಿ ಚಾರ್ಮಿ ಕುಡಿದ ಮತ್ತಿನಲ್ಲಿ ನಮಗೇನೂ ನಷ್ಟವಾಗಿಲ್ಲ, ನಾವು ಸೇಫ್ ಆಗಿದ್ದೀವಿ ಎನ್ನುವ ಅರ್ಥದಲ್ಲಿ ಮಾತನಾಡಿದ್ದ ವಿಚಾರ ವಿತರಕರ ಕಿವಿಗೆ ಬಿದ್ದಿದೆ..
ಹೀಗಾಗಿ ಪುರಿ ಜಗನ್ನಾಥ್ ಮನೆ ಮುಂದೆ ಧರಣಿ ನಡೆಸಲು ತೀರ್ಮಾನಿಸಿದ್ದಾರೆ. ಆದ್ರೆ ಒಂದೂ ರೂಪಾಯಿ ಸಿಗಲ್ಲ ಎಂದು ಪುರಿ ವಾರ್ನ್ ಮಾಡಿದ್ದರು.. ಇದೀಗ ಜೂಬ್ಲಿಹಿಲ್ಸ್ ಪೊಲೀಸ್ ಠಾಣೆಯಲ್ಲಿ ವಿತರಕರಾದ ವರಂಗಲ್ ಶ್ರೀನು, ಫೈನಾನ್ಸಿಯರ್ ಶೋಭನ್ ವಿರುದ್ಧ ದೂರು ನೀಡಿದ್ದಾರೆ.
ಇವರಿಂದ ನನಗೂ ನನ್ನ ಕುಟುಂಬಕ್ಕೂ ಜೀವ ಬೆದರಿಕೆಯಿದೆ.. ನಮ್ಮ ಕುಟುಂಬದ ಮೇಲೆ ದಾಳಿ ಮಾಡುವಂತೆ ಇವರು ಇತರರನ್ನು ಪ್ರೋತ್ಸಾಹಿಸುತ್ತಿದ್ದಾರೆ ಎಂದು ಆರೋಪಿಸಿದ್ದಾರೆ.. ನಾನು ಇಲ್ಲದೇ ಇರುವಾಗಿ ನನ್ನ ಕುಟುಂಬವನ್ನು ಶಾರೀರಿಕವಾಗಿ, ಮಾನಸಿಕವಾಗಿ ಹಿಂಸಿಸಿ ಅಕ್ರಮವಾಗಿ ಹಣ ಪಡೆಯಲು ಮುಂದಾಗಿದ್ದಾರೆ.
ವಾಟ್ಸಾಪ್ ಮೂಲಕ ನನ್ನ ವಿರುದ್ಧ ವಿತರಕರನ್ನು ರೊಚ್ಚಿಗೆಬ್ಬಿಸುತ್ತಿದ್ದಾರೆ. ನಮಗೆ ರಕ್ಷಣೆ ನೀಡಿ ಎಂದು ಕೋರಿದ್ದಾರೆ.