Salman Khan : Y ಶ್ರೇಣಿ ಭದ್ರತೆಗೆ ತಿಂಗಳಿಗೆ ಎಷ್ಟು ಹಣ ಖರ್ಚಾಗುತ್ತದೆ..!??
ಭೂಗತ ಪಾತಕಿಗಳಿಂದ ಸಲ್ಮಾನ್ ಖಾನ್ ಗೆ ಜೀವ ಬೆದರಿಕೆ ಇರುವ ಹಿನ್ನೆಲೆ ಇತ್ತೀಚೆಗೆ ಅವರಿಗೆ Y ಶ್ರೇಣಿಯ ಭದ್ರತೆಯನ್ನ ಒದಗಿಸಲಾಗಿದೆ.. ಅವರಿಗೆ ನೀಡಲಾಗಿರುವ ವೈ ಪ್ಲಸ್ ಭದ್ರತೆಯಲ್ಲಿ ನಾಲ್ವರು ಅತ್ಯಾಧುನಿಕ ಬಂದೂಕು ಹೊಂದಿರುವ ಕಮಾಂಡೊಗಳಿರಲಿದ್ದು, ಅವರಲ್ಲಿ ಇಬ್ಬರು ಸಲ್ಮಾನ್ ಖಾನ್ ಜೊತೆಗೂ ಇನ್ನಿಬ್ಬರು ಸಲ್ಮಾನ್ ಖಾನ್ ನಿವಾಸದ ಬಳಿಯೂ ಇರಲಿದ್ದಾರೆ. ಜೊತೆಗೆ ಎರಡು ಕಾವಲು ವಾಹನಗಳು ಕೆಲವು ಭದ್ರತಾ ಸಿಬ್ಬಂದಿ, ಕೆಲವು ಅತ್ಯಾಧುನಿಕ ತಂತ್ರಜ್ಞಾನ ಹೊಂದಿರುವ ಸಾಧನಗಳು ಇರಲಿವೆ. ಇದರ ಜೊತೆಗೆ ಸಲ್ಮಾನ್ ಖಾನ್ ರ ಖಾಸಗಿ ಭದ್ರತಾ ಸಿಬ್ಬಂದಿ ಸಹ ಜೊತೆಗಿರಲಿದ್ದಾರೆ.
ಸಲ್ಮಾನ್ ಖಾನ್ ಗೆ ನೀಡಲಾಗಿರುವ ವೈ ಪ್ಲಸ್ ಭದ್ರತೆಗೆ ದೊಡ್ಡ ಮೊತ್ತದ ಹಣವನ್ನೇ ಸುರಿಯಬೇಕಾಗಿದೆ.. ಸಿಬ್ಬಂದಿ ಸಂಬಳ, ವಾಹನ, ಇಂಧನ ಲೆಕ್ಕ ಹಾಕಿದರೆ ತಿಂಗಳಿಗೆ ಸುಮಾರು 12 ರಿಂದ 15 ಲಕ್ಷ ಹಣ ಒಂದು ತಿಂಗಳಿಗೆ ಖರ್ಚಾಗುತ್ತದೆ. ಸಲ್ಮಾನ್ ಖಾನ್ ಸಹ ತಮ್ಮ ಖಾಸಗಿ ಭದ್ರತೆಗೆ ದೊಡ್ಡ ಮೊತ್ತದ ಸಂಬಳವನ್ನೇ ನೀಡುತ್ತಾರೆ. ಜೊತೆಗೆ ಇತ್ತೀಚೆಗೆ ಮುಂಬೈ ಪೊಲೀಸರಿಗೆ ಮನವಿ ಮಾಡಿ ಬಂದೂಕು ಲೈಸೆನ್ಸ್ ಅನ್ನು ಸಹ ಸಲ್ಮಾನ್ ಖಾನ್ ಪಡೆದುಕೊಂಡಿದ್ದಾರೆ.