Indian Celebrity Weddings 2022 : ಈ ವರ್ಷ ದಾಂಪತ್ಯ ಜೀವನಕ್ಕೆ ಕಾಲಿಟ್ಟ ತಾರೆಯರು..!!
ಚಿತ್ರರಂಗದಲ್ಲಿ ಈ ವರ್ಷ ಹಲವು ಸೆಲೆಬ್ರಿಟಿಗಳು ದಾಂಪತ್ಯ ಜೀವನಕ್ಕೆ ಕಾಲಿಟ್ಟಿದ್ದಾರೆ. ಹಲವು ನಾಯಕ ನಾಯಕಿರು ಸಪ್ತಪದಿ ತುಳಿದಿದ್ದಾರೆ. ಈ ಹಿಂದೆ ನಾಯಕಿಯರು ಮದುವೆಯಾದ ನಂತರ ಸಿನಿಮಾಗಳಿಗೆ ಗುಡ್ ಬೈ ಹೇಳುತ್ತಿದ್ದರು. ಈಗ ಕಾಲ ಬದಲಾಗಿದೆ. ಹಾಗಾಗಿ ಮದುವೆಯಾಗಿದ್ದರೂ ಸಿನಿಮಾದಲ್ಲಿ ನಟಿಸುತ್ತಿದ್ದಾರೆ. 2022 ಮದುವೆ ಜೀವನಕ್ಕೆ ಕಾಲಿಟ್ಟ ಸೆಲೆಬ್ರಿಟಿ ಜೋಡಿಗಳ ಲೀಸ್ಟ್ ಇಲ್ಲಿದೆ.
ನಯನತಾರಾ-ವಿಘ್ನೇಶ್ ಶಿವನ್
ಲೇಡಿ ಸೂಪರ್ ಸ್ಟಾರ್ ನಯನತಾರಾಗೆ ಈ ವರ್ಷ ಕಂಕಣ ಭಾಗ್ಯ ಕೂಡಿ ಬಂದಿತು. ನಿರ್ದೇಶಕ ವಿಘ್ನೇಶ್ ಶಿವನ್ ಜೊತೆ ಸಪ್ತಪದಿ ತುಳಿದಿದ್ದಾರೆ. . ಜೂನ್ 9 ರಂದು ಮಹಾಬಲಿಪುರಂನ ರೆಸಾರ್ಟ್ನಲ್ಲಿ ವಿವಾಹ ಸಮಾರಂಭ ನೆರವೇರಿತು.
ಹನ್ಸಿಕಾ ಮೋಟ್ವಾನಿ- ಸೊಹೈಲ್ ಕಥುರಿಯಾ
ಕನ್ನಡದ ಬಿಂದಾಸ್ ಸಿನಿಮಾದಲ್ಲಿ ನಟಿಸಿದ್ದ ಬಹುಭಾಷಾ ನಟಿ ಹಂಸಿಕಾ ಮೋಟ್ವಾನಿ ತನ್ನ ಬಾಯ್ಫ್ರೆಂಡ್ ಮತ್ತು ಬ್ಯುಸಿನೆಸ್ ಪಾರ್ಟ್ನರ್ ಸೊಹೈಲ್ ಕತುರಿಯಾ ಅವರನ್ನ ವಿವಾಹವಾಗಿದ್ದಾರೆ. ಜೈಪುರದ 450 ವರ್ಷಗಳಷ್ಟು ಹಳೆಯದಾದ ‘ಮುಂಡೋಟಾ ಫೋರ್ಟ್ ಪ್ಯಾಲೇಸ್’ನಲ್ಲಿ ಡಿಸೆಂಬರ್ 4 ರಂದು ವಿವಾಹ ಸಮಾರಂಭ ಜರುಗಿತು.
ಆಲಿಯಾ ಭಟ್- ರಣಬೀರ್ ಕಪೂರ್
ಬಾಲಿವುಡ್ ನ ಸೆಲೆಬ್ರಿಟಿ ಲವ್ ಬರ್ಡ್ಸ್ ಆಲಿಯಾ ಭಟ್ ಮತ್ತು ರಣಬೀರ್ ಕಪೂರ್ ಏಪ್ರಿಲ್ 14 ರಂದು ದಾಂಪತ್ಯ ಜೀವನಕ್ಕೆ ಕಾಲಿಟ್ಟರು. ಇವರಿಬ್ಬರ ಪ್ರೀತಿಗೆ ಸಾಕ್ಷಿಯಾಗಿ ನವೆಂಬರ್ 6 ರಂದು ಹೆಣ್ಣು ಮಗು ಕೂಡ ಜನಿಸಿದ್ದು, ಮಗಳಿಗೆ ರಾಹಾ ಎಂದು ಹೆಸರಿಟ್ಟಿದ್ದಾರೆ.
ಅಲಿ ಫಜಲ್ – ರಿಚಾ ಚಡ್ಡಾ
ಫುಕ್ರೆ ಚಿತ್ರದ ಚಿತ್ರೀಕರಣದ ಸಮಯದಲ್ಲಿ ಅಲಿ ಫಜಲ್ ಮತ್ತು ರಿಚಾ ಚಡ್ಡಾ ಪರಸ್ಪರ ಪ್ರೀತಿಸುತ್ತಿದ್ದರು. ಸುಮಾರು 9 ವರ್ಷಗಳ ಕಾಲ ಡೇಟಿಂಗ್ ನಂತರ ಈ ವರ್ಷ ಅಕ್ಟೋಬರ್ 4 ರಂದು ಜೋಡಿ ಸಪ್ತಪದಿ ತುಳಿದಿದೆ.
ಮೌನಿ ರಾಯ್ – ಸೂರಜ್ ನಂಬಿಯಾರ್
ಮೌನಿ ರಾಯ್ ನಾಗಿಣಿ ಧಾರಾವಾಹಿ ಮೂಲಕ ದೇಶಾದ್ಯಂತ ಖ್ಯಾತಿ ಗಳಿಸಿದ ನಟಿ. ಜನವರಿ 27 ರಂದು ತಮ್ಮ ಗೆಳೆಯ ಸೂರಜ್ ನಂಬಿಯಾರ್ ಅವರನ್ನ ನಟಿ ವಿವಾಹವಾದರು. ಗೋವಾದ ಹಿಲ್ಟನ್ ಗೋವಾ ರೆಸಾರ್ಟ್ನಲ್ಲಿ ಬೆಂಗಾಲಿ ಮತ್ತು ದಕ್ಷಿಣ ಶೈಲಿಯಲ್ಲಿ ಮದುವೆ ಅದ್ಧೂರಿಯಾಗಿ ನಡೆಯಿತು.