Ravi teja | ಈ ಹೀರೋಗೆ ದಿನಕ್ಕೆ 50 ಲಕ್ಷ ಕೊಡ್ಬೇಕಂತೆ..
ನಟ ರವಿತೇಜ ಯಾವುದೇ ಬ್ಯಾಕ್ ಗ್ರೌಂಡ್ ಇಲ್ಲದೇ, ಚಿಕ್ಕಪುಟ್ಟ ಪಾತ್ರಗಳಲ್ಲಿ ನಟಿಸುತ್ತಾ, ಸ್ವಯಂ ಕೃಷಿಯಿಂದ ಮಾಸ್ ಮಹಾರಾಜನಾಗಿ ಬೆಳೆದ ಹೀರೋ. ಸದ್ಯ ರವಿತೇಜಾ ನಟನೆಯ ‘ರಾಮರಾವ್ ಆನ್ ಡ್ಯೂಟಿ’ ಸಿನಿಮಾ ಟೀಸರ್ ಬಿಡುಗಡೆಯಾಗಿದೆ. ಈ ಟ್ರೇಲರ್ ಯುಟ್ಯೂಬ್ ನಲ್ಲಿ ಟ್ರೆಂಡಿಂಗ್ನಲ್ಲಿದ್ದು ಸದ್ದು ಮಾಡುತ್ತಿದೆ. ಆದರೆ, ಈ ಚಿತ್ರಕ್ಕೆ ರವಿತೇಜ ಪಡೆದ ಸಂಭಾವನೆ ಇದೀಗ ಹಾಟ್ ಟಾಪಿಕ್ ಆಗಿದೆ. ಈ ಚಿತ್ರಕ್ಕಾಗಿ ರವಿತೇಜಾ ಕಡಿಮೆ ಸಂಭಾವಣೆ ಪಡೆದಿದ್ದಾರೆ ಎಂಬುದು ಟಾಲಿವುಡ್ ನ ಟಾಕ್ ಆಗಿದೆ.
ಶರತ್ ಮಾಂಡವ ನಿರ್ದೇಶನದ ಈ ಚಿತ್ರಕ್ಕೆ ರವಿತೇಜ ಪ್ರತಿದಿನಕ್ಕೆ 50 ಲಕ್ಷ ರೂಪಾಯಿ ತೆಗೆದುಕೊಂಡಿದ್ದಾರೆ. ಈ ಸಿನಿಮಾಗಾಗಿ ರವಿತೇಜ 20 ರಿಂದ 25 ದಿನಗಳು ಮಾತ್ರ ಕೆಲಸ ಮಾಡಿದ್ದಾರೆ. ಅಂದ್ರೆ ಈ ಸಿನಿಮಾಗೆ ರವಿತೇಜಾ ಪಡೆದ ಒಟ್ಟು ಸಂಭಾವಣೆ 10 ರಿಂದ 12 ಕೋಟಿ ರೂಪಾಯಿ.
ಆದರೆ ರವಿತೇಜ ಅವರು ಸಾಮಾನ್ಯವಾಗಿ ಪ್ರತಿ ಸಿನಿಮಾಗೆ 15 ಕೋಟಿಗೂ ಹೆಚ್ಚು ರೂಪಾಯಿ ಸಂಭಾವಣೆ ಪಡೆಯುತ್ತಾರೆ. ಆದ್ರೆ ಈ ಸಿನಿಮಾಗಾಗಿ ಮೂರರಿಂದ ನಾಲ್ಕು ಕೋಟಿ ಕಡಿಮೆ ಮಾಡಿರೋದು ಟಾಲಿವುಡ್ ನಲ್ಲಿ ಚರ್ಚೆಗೆ ಗ್ರಾಸವಾಗಿದೆ. ಅಲ್ಲದೇ ಕೆಲವರು ರವಿತೇಜಾ ನಡೆಗೆ ಮೆಚ್ಚುಗೆ ವ್ಯಕ್ತಪಡಿಸುತ್ತಿದ್ದಾರೆ. ravi-teja-less-remuneration