“ ನಮ್ಮಮ್ಮ ಸೂಪರ್ ಸ್ಟಾರ್” ನ ಟ್ರೋಫಿಗೆ ಹಕ್ಕುದಾರರಾದ ವಂಶಿಕಾ , ಯಶಸ್ವಿನಿ
ಖಾಸಗಿ ವಾಹಿನಿಯಲ್ಲಿ ಪ್ರಸಾರವಾಗುತ್ತಾ ಜನರ ಅಚ್ಚುಮೆಚ್ಚಿನ ರಿಯಾಲಿಟಿ ಶೋಗಳಲ್ಲಿ ಒಂದಾಗಿ ಗುರುತಿಸಿಕೊಂಡಿದ್ದ “ ನಮ್ಮಮ್ಮ ಸೂಪರ್ ಸ್ಟಾರ್” ನ ಗ್ರ್ಯಾಂಡ್ ಫಿನಾಲೆ ಅದ್ಧೂರಿಯಾಗಿ ನೆರವೇರಿದ್ದು ವಿನ್ನರ್ ಆಗಿ ಮಾಸ್ಟರ್ ಆನಂದ್ ಪುತ್ರಿ ವಂಶಿಕಾ ಹಾಗೂ ಆಕೆಯ ತಾಯಿ ಯಶಸ್ವಿನಿ ಟ್ರೋಫಿಗೆ ಮುತ್ತಿಟ್ಟಿದ್ದಾರೆ..
‘ನನ್ನಮ್ಮ ಸೂಪರ್ ಸ್ಟಾರ್’ ಸೀಸನ್ 1 ರ ಗ್ರ್ಯಾಂಡ್ ಫಿನಾಲೆ ಭಾನುವಾರ (ಏ.3) ರಂದು ನಡೆದಿದೆ. ಅನುಪಮ ಗೌಡ ನಿರೂಪಣೆ, ತಾರಾ ಅನೂರಾಧ, ಸೃಜನ್ ಲೋಕೇಶ್ ಹಾಗೂ ಅನುಪ್ರಭಾಕರ್ ಜಡ್ಜಸ್ ಆಗಿದ್ದ ಪ್ರೇಕ್ಷಕರನ್ನ ನಾಲ್ಕು ತಿಂಗಳ ಕಾಲ ರಂಜಿಸಿತ್ತು.
ಅಮ್ಮ ಮತ್ತು ಮಗಳ ನಡುವೆ ನಡೆದ ಈ ಶೋ ವಿಶೇಷತೆಗಳಿಂದ ವೀಕ್ಷಕರ ಮನಗೆದ್ದಿತ್ತು. ತನ್ನದೇ ಆದ ಪ್ರೇಕ್ಷಕರನ್ನ ಸೃಷ್ಟಿಸಿಕೊಂಡಿತ್ತು. ಅದರಲ್ಲೂ ಚಿನಕುರುಳಿ ಪಟಾಕಿ ವಂಶಿಕಾ ಎಲ್ಲರ ಮನಸೂರೆಗೊಂಡಿದ್ದಳು. ಪಟಪಟ ಮಾತಾಡುತ್ತಿದ್ದ ವಂಶಿಕಾಗೆ ಈ ಬಾರಿ ವಿನ್ನರ್ ಪಟ್ಟ ಸಿಗಲಿದೆ ಎಂದೇ ಎಲ್ಲರೂ ಊಹಿಸಿದ್ದರು. ಅಂತೆಯೇ ಯಶಸ್ವಿನಿ ಮತ್ತು ವಂಶಿಕಾಗೆ ವಿನ್ನರ್ ಪಟ್ಟ ದಕ್ಕಿದೆ.
ತಾಯಿ ಮಗುವನ್ನು ಎತ್ತಿಕೊಂಡಿರುವಂತೆ ರಚಿಸಲಾಗಿರುವ ಟ್ರೋಫಿಯನ್ನು ವಂಶಿಕಾ ಮತ್ತು ಯಶಸ್ವಿನಿಗೆ ನೀಡಲಾಯಿತು. ಟ್ರೋಫಿ ಜೊತೆಗೆ 5 ಲಕ್ಷ ರೂ. ನಗದು ಬಹುಮಾನ ಕೂಡ ನೀಡಲಾಗಿದೆ. ಖ್ಯಾತ ನಿರೂಪಕ ಮಾಸ್ಟರ್ ಆನಂದ್ ಮತ್ತು ಯಶಸ್ವಿನಿ ದಂಪತಿಯ ಮುದ್ದಿನ ಮಗಳಾಗಿರುವ ವಂಶಿಕಾ, ಮೊದಲ ದಿನದಿಂದಲೇ ವೀಕ್ಷಕರ ಮನಗೆದ್ದಿದ್ದಳು. ತನ್ನ ಮುದ್ದಾದ ಮಾತುಗಳಿಂದ, ಚುರುಕುತನದಿಂದ ಎಲ್ಲರ ಮನೆ ಮಾತಾಗಿದ್ದಳು.
ಕಿರುತೆರೆ ಪ್ರೇಕ್ಷಕರಿಗೆ ‘ನನ್ನಮ್ಮ ಸೂಪರ್ ಸೂಪರ್ ಸ್ಟಾರ್’ ಕಾರ್ಯಕ್ರಮದ ಸ್ಪರ್ಧಿಗಳು ಹಲವು ತಿಂಗಳ ಕಾಲ ಮನರಂಜನೆ ನೀಡಿದರು. ವಿದ್ಯಾ-ರೋಹಿತ್, ಸುಪ್ರಿತಾ-ಇಬ್ಬನಿ, ಜಾನ್ವಿ-ಗ್ರಂಥ್, ಪುನೀತಾ-ಆರ್ಯ, ಯಶಸ್ವಿನಿ-ವಂಶಿಕಾ, ನಂದಿನಿ-ಅದ್ವಿಕ್ ಅವರು ಫಿನಾಲೆ ತಲುಪಿದ್ದರು. ಭಾನುವಾರ ಸಂಜೆ ನಡೆದ ಫಿನಾಲೆಯಲ್ಲಿ ವಿನ್ನರ್ ಯಾರು ಎಂಬುದನ್ನು ನಟಿ ತಾರಾ ಅನುರಾಧ ಅವರು ಘೋಷಿಸಿದರು.
ವಂಶಿಕಾಗೆ ಟಫ್ ಫೈಟ್ ಕೊಟ್ಟಿದ್ದು ಬೇಬಿ ಆರ್ಯ. ಅಮ್ಮ ಪುನೀತಾ ಜೊತೆ ಸೈಲೆಂಟಾಗೇ ಎಂಟ್ರಿ ಕೊಟ್ಟ ಆರ್ಯ ಕೊನೆಗೆ ಜಬರ್ದಸ್ತ್ ಮನರಂಜನೆ ಕೊಟ್ಟ ಪುಟಾಣಿ, ಇದೀಗ ಎರಡನೇ ಸ್ಥಾನದಲ್ಲಿ ಗೆದ್ದಿದ್ದಾಳೆ. ಮೂರನೇ ಸ್ಥಾನ ಮಾಸ್ ಬೇಬಿ ಎಂದೇ ಹೆಸರು ಪಡೆದುಕೊಂಡಿದ್ದ ರೋಹಿತ್ ಮುಡಿಗೇರಿದೆ.
ಗಾರ್ಜಿಯಸ್ ಆಗಿ ಕಾಣಿಸಿಕೊಂಡ ಗರ್ಭಿಣಿ , ನಟಿ ಸೋನಮ್
