2022ರ ಸಾಲಿನ ಆಸ್ಕರ್ ಪ್ರಶಸ್ತಿ ಪ್ರದಾನ ಕಾರ್ಯಕ್ರಮದಲ್ಲಿ ಈ ಬಾರಿ ಸಿಕ್ಕಾಪಟ್ಟೆ ಹೈಲೇಟ್ ಆಗಿ ಸೋಷಿಯಲ್ ಮೀಡಿಯಾಗೆ ಬೆಂಕಿ ಇಟ್ಟ ವಿಚಾರ ಅಂದ್ರೆ ನಟ ವಿಲ್ ಸ್ಮಿತ್ ನಿರೂಪಕ ಕ್ರಿಸ್ ರಾಕ್ ಗೆ ಸ್ಟೇಜ್ ಮೇಲೆಯೇ ಕಪಾಳ ಮೋಕ್ಷ ಮಾಡಿದ್ದು.. ಈ ಘಟನೆ ನೆಟ್ಟಿಗರು , ಆಡಿಯನ್ಸ್ ಗಳನ್ನ ಕೆರಳಿಸಿತ್ತು..
ಆದ್ರೆ ಈ ಘಟನೆಯ ನಂತರ ಕ್ರಿಸ್ ರಾಕ್ ಅವರ ನಸೀಬ್ ಬದಲಾಗಿ ,,, ಅವರ ಅದೃಷ್ಟ ಕುಲಾಯಿಸಿದ್ರೆ ಅದೇ ವಿಲ್ ಸ್ಮಿತ್ ಅವರು ಮುಖಭಂಗ , ಅವಮಾನ , ಸೋಷಿಯಲ್ ಮೀಡಿಯಾದಲ್ಲಿ ಟ್ರೋಲ್ , ನೆಟ್ಟಿಗರ ಬೈಗುಳ ಅಕ್ರೋಶಗಳನ್ನ ಎದುರಿಸುತ್ತಿದ್ದಾರೆ.. ಇದೀಗ ಅವರನ್ನ 10 ವರ್ಷ ಆಸ್ಕರ್ ಪ್ರಶಸ್ತಿಯಿಂದ ಬ್ಯಾನ್ ಮಾಡಲಾಗಿದೆ..
ಅಮೆರಿಕದ ಲಾಸ್ ಏಂಜಲ್ಸ್ ನಲ್ಲಿ 2022ರ ಆಸ್ಕರ್ ಪ್ರಶಸ್ತಿ ಪ್ರದಾನ ಸಮಾರಂಭದಲ್ಲಿ ಈ ಘಟನೆ ನಡೆದಿತ್ತು.. ಇದೇ ಸಮಾರಂಭದಲ್ಲೇ ಹಾಸ್ಯನಟ ಕ್ರಿಸ್ ರಾಕ್‍ಗೆ ವೇದಿಕೆ ಮೇಲೆಯೇ ಸ್ಮಿತ್ ಕಪಾಳಮೋಕ್ಷ ಮಾಡಿದ್ದರು. ಹಾಗಂತ ಎಲ್ಲರೂ ಸ್ಮಿತ್ ವಿರುದ್ಧವಾಗಿಯೇ ಇಲ್ಲ.. ಸ್ಮಿತ್ ಅವರ ಅನಾರೋಗ್ಯ ಪತ್ನಿ ಬಗ್ಗೆ ಸ್ಟೇಜ್ ಮೇಲೆ ಹಾಸ್ಯ ಮಾಡಿದ್ದು ಸರಿ ಅಲ್ಲ ಎಂದು ಕೆಎಲವರು ಕ್ರಿಸ್ ರಾಕ್ ವಿರುದ್ಧವೂ ಆಕ್ರೋಶ ಹೊರಹಾಕಿದ್ದಾರೆ..
ಅಂದ್ಹಾಗೆ ಹಾಲಿವುಡ್ ಸ್ಟಾರ್ ನಟ ವಿಲ್ ಸ್ಮಿತ್ ಇದೇ ಮೊದಲಬಾರಿಗೆ ಆಸ್ಕರ್ ಪ್ರಶಸ್ತಿಯನ್ನು ಸ್ವೀಕರಿಸಿದ್ದರು. ಈ ವೇಳೆ ನಟ ಭಾವಾತ್ಮಕವಾಗಿ ಭಾಷಣ ಮಾಡಿದ್ದರೂ ಸಹ.. ಆದ್ರೆ ಅವರು ವೇದಿಕೆಗೆ ಅಗೌರವ ತೋರುವ ಕೆಲಸ ಮಾಡಿದ್ದೇ ಹೈಲೇಟ್ ಆಗಿದ್ದು.. ಕಿಂಗ್ ರಿಚರ್ಡ್ಸ್ ಸಿನಿಮಾದ ಅಭಿನಯಕ್ಕಾಗಿ ವಿಲ್ ಸ್ಮಿತ್ ಅತ್ಯುತ್ತಮ ನಟ ವಿಭಾಗದಲ್ಲಿ ನಾಮೀನೇಟ್ ಆಗಿ ಪ್ರಶಸ್ತಿಯನ್ನೂ ಗೆದ್ದಿದ್ದರು..
ಈ ಘಟನೆಯ ನಂತರ, ಅಕಾಡೆಮಿ ಆಫ್ ಮೋಷನ್ ಪಿಕ್ಚರ್ ಆರ್ಟ್ಸ್ ಅಂಡ್ ಸೈನ್ಸಸ್‍ನ ಆಡಳಿತ ಮಂಡಳಿಯು ಶುಕ್ರವಾರ ‘ದಿ ಪಸ್ರ್ಯೂಟ್ ಆಫ್ ಹ್ಯಾಪಿನೆಸ್’ ಸ್ಟಾರ್ ಅನ್ನು ಎಲ್ಲ ಅಕಾಡೆಮಿ ಇವೆಂಟ್‍ಗಳಿಂದ ನಿಷೇಧಿಸಲು ಮತ ಹಾಕಿತು. ಶುಕ್ರವಾರ ಲಾಸ್ ಏಂಜಲೀಸ್‍ನಲ್ಲಿ ನಡೆದ ಆಡಳಿತ ಮಂಡಳಿ ಸಭೆಯಲ್ಲಿ ಈ ನಿರ್ಧಾರ ತೆಗೆದುಕೊಳ್ಳಲಾಗಿದೆ. ವರದಿಗಳ ಪ್ರಕಾರ ಸ್ಮಿತ್ ಕಳೆದ ವಾರ ಅಕಾಡೆಮಿಯಿಂದ ನಿವೃತ್ತಿ ಘೋಷಿಸಿದ್ದರು.
ಆಸ್ಕರ್ ಅಧ್ಯಕ್ಷ ಡೇವಿಡ್ ರೂಬಿನ್ ಮತ್ತು ಸಿಇಒ ಡಾನ್ ಹಡ್ಸನ್ ಮಾಧ್ಯಮಗಳೊಂದಿಗೆ ಮಾತನಾಡಿದ್ದು, ಆಸ್ಕರ್‌ನಲ್ಲಿ ವಿಲ್ ಸ್ಮಿತ್ ಅವರ ರಾಜೀನಾಮೆ ಕುರಿತು ಚರ್ಚಿಸಲು ಆಡಳಿತ ಮಂಡಳಿಯು ಸಭೆಯನ್ನು ಕರೆದಿತ್ತು. 2022 ಏಪ್ರಿಲ್ 8 ರಿಂದ 10 ವರ್ಷಗಳ ಅವಧಿವರೆಗೂ ಸ್ಮಿತ್ ಅವರನ್ನು ಅಕಾಡೆಮಿ ಪ್ರಶಸ್ತಿಗಳನ್ನು ಒಳಗೊಂಡಂತೆ, ಯಾವುದೇ ಅಕಾಡೆಮಿ ಈವೆಂಟ್‍ಗಳು ಅಥವಾ ಕಾರ್ಯಕ್ರಮಗಳಿಗೆ ಹಾಜರಾಗಲು ಅನುಮತಿ ನೀಡಬಾರದು ಎಂದು ಮಂಡಳಿಯು ನಿರ್ಧರಿಸಿದೆ ಎಂದು ತಿಳಿಸಿದ್ದಾರೆ.
