ತೆಲುಗು – ತಮಿಳು – ಕಾಂಬೊನೇಷನ್ : ಯಾವೆಲ್ಲಾ ಜೋಡಿಗಳು ಮೋಡಿ ಮಾಡಲಿವೆ..!!!

ತೆಲುಗು – ತಮಿಳು – ಕಾಂಬೊನೇಷನ್ : ಯಾವೆಲ್ಲಾ ಜೋಡಿಗಳು ಮೋಡಿ ಮಾಡಲಿವೆ..!!!

ಟಾಲಿವುಡ್ ಮತ್ತು ಕಾಲಿವುಡ್ ಸುದೀರ್ಘ ಬಾಂಧವ್ಯವನ್ನು ಹೊಂದಿದೆ. ತೆಲುಗು ನಿರ್ದೇಶಕರು ತಮಿಳು ಹೀರೋಗಳ ಜೊತೆಗೆ , ತಮಿಳು ತಾರೆಯರು ತೆಲುಗು ನಿರ್ದೇಶಕರೊಂದಿಗೆ  ಕೆಲಸ ಮಾಡುವುದು ಸಹಜವಾಗಿದೆ..

ಅದ್ರಲ್ಲೂ ಇತ್ತೀಚೆಗೆ ಪ್ಯಾನ್ ಇಂಡಿಯಾ ಸಿನಿಮಾಗಳೇ ಹೆಚ್ಚು ಸದ್ದು ಮಾಡ್ತಿರೊದು..

ಹಾಗಾದ್ರೆ ಮುಂದಿನ ದಿನಗಳಲ್ಲಿ ಯಾವೆಲ್ಲಾ ತಮಿಳು-ತೆಲುಗು ಕಾಂಬಿನೇಷನ್ ನ ಜೋಡಿಗಳು ಒಟ್ಟಿಗೆ ಸಿನಿಮಾಗಳ ಮೂಲಕ  ಮೋಡಿ ಮಾಡಲಿವೆ ಅನ್ನೋದನ್ನ ನೋಡೋಣ.

ದಳಪತಿ 66 ( ಟೈಟಲ್ ಫಿಕ್ಸ್ ಗಿಲ್ಲ ) – ದಳಪತಿ ವಿಜಯ್ – ವಂಶಿ ಪೈಡಿಪಲ್ಲಿ

ವಿಜಯ್ ಅವರು ತಮ್ಮ 66 ನೇ ಸಿನಿಮಾಗಾಗಿ  ಪ್ರಶಸ್ತಿ ವಿಜೇತ ತೆಲುಗು ನಿರ್ದೇಶಕ ವಂಶಿ ಪೈಡಿಪಲ್ಲಿ ಅವರೊಂದಿಗೆ ಕೈಜೋಡಿಸುತ್ತಿದ್ದಾರೆ. ರಶ್ಮಿಕಾ ಮಂದಣ್ಣ ಈ ಸಿನಿಮಾಗೆ ನಾಯಕಿ..  ಶರತ್ ಕುಮಾರ್ ಮತ್ತು ಪ್ರಕಾಶ್ ರಾಜ್ ತಾರಾಗಣದಲ್ಲಿದ್ದಾರೆ.

ರಾಮ್ ಚರಣ್ 15

ಖ್ಯಾತ ತಮಿಳಿನ ನಿರ್ದೇಶಕ ಶಂಕರ್ ಅವರು ತೆಲುಗು ಸೂಪರ್ ಸ್ಟಾರ್ ರಾಮ್ ಚರಣ್ ಅವರೊಂದಿಗೆ ಬಿಗ್  ಬಜೆಟ್ ಚಿತ್ರಕ್ಕಾಗಿ ಕೈಜೋಡಿಸಿದ್ದಾರೆ. ಪೊಲಿಟಿಕಲ್ ಥ್ರಿಲ್ಲರ್ ಎಂದು ಹೇಳಲಾಗುತ್ತಿರುವ ಈ ಸಿನಿಮಾದಲ್ಲಿ ಕಿಯಾರಾ ಅಡ್ವಾಣಿ ಎರಡನೇ ಬಾರಿಗೆ ರಾಮ್ ಚರಣ್ ಜೊತೆಗೆ ಕಾಣಿಸಿಕೊಳ್ಳಲಿದ್ದಾರೆ.

ಗಾಡ್ಫಾದರ್

ಮಲಯಾಳಂನ ಸೂಪರ್‌ಹಿಟ್ ಲೂಸಿಫರ್‌ನ ರಿಮೇಕ್‌ಗಾಗಿ ಮೆಗಾಸ್ಟಾರ್ ಚಿರಂಜೀವಿ ತಮಿಳು ನಿರ್ದೇಶಕ ಜಯಂ ರಾಜಾ ಅವರೊಂದಿಗೆ ಕೈಜೋಡಿಸುತ್ತಿದ್ದಾರೆ. ಈ ಚಿತ್ರದಲ್ಲಿ ಬಾಲಿವುಡ್ ಸ್ಟಾರ್ ಸಲ್ಮಾನ್ ಖಾನ್ ಅವರು ಅತಿಥಿ ಪಾತ್ರದಲ್ಲಿ  ಕಾಣಿಸಿಕೊಳ್ಳಲಿದ್ದಾರೆ..

ನಾಗ ಚೈತನ್ಯ – ವೆಂಕಟ್ ಪ್ರಭು

ನಾಗ ಚೈತನ್ಯ ಅವರು ವೆಂಕಟ್ ಪ್ರಭು ಅವರೊಂದಿಗೆ ತ್ವರಿತ ದ್ವಿಭಾಷಾ ಚಿತ್ರಕ್ಕಾಗಿ ಜೊತೆಯಾಗುತ್ತಿದ್ದಾರೆ. ಚಿತ್ರವು ಮಾನಾಡುವಿನ ರೀಮೇಕ್ ಎಂದು ವರದಿಗಳಿದ್ದರೂ, ಚಿತ್ರತಂಡವು ವದಂತಿಗಳನ್ನು ತಳ್ಳಿಹಾಕಿದೆ..