Biggboss Malayalam 4 : ವಿನ್ನರ್ ದಿಲ್ಶಾ : ಟ್ರೋಫಿ ಗೆದ್ದ ಮೊದಲ ಮಹಿಳಾ ಸ್ಪರ್ಧಿ..!!
ಕನ್ನಡ ಅಷ್ಟೇ ಅಲ್ದೇ ಇತರೇ ಭಾಷೆಗಳಲ್ಲೂ ಸಿಕ್ಕಾಪಟ್ಟೆ ಜನಪ್ರಿಯತೆ ಗಳಿಸಿರುವ ರಿಯಾಲಿಟಿ ಶೋ ಅಂದ್ರೆ ಅದು ಬಿಗ್ ಬಾಸ್…
ಬಿಗ್ ಬಾಸ್ ಮಲಯಾಳಂ ಸೀಸನ್ 4 ರ ವಿಜೇತರನ್ನ ಜುಲೈ 3, 2022 ರಂದು ಭಾನುವಾರ ಘೋಷಿಸಲಾಯ್ತು… ಡ್ಯಾನ್ಸರ್ ದಿಲ್ಶಾ ಪ್ರಸನ್ನ ಅವರು ವಿನ್ನರ್ ಟ್ರೋಫಿಗೆ ಮುತ್ತಿಟ್ಟಿದ್ದಾರೆ.. ವಿಜೇತ ಟ್ರೋಫಿಯನ್ನು ಮುಡಿಗೇರಿಸಿಕೊಳ್ಳುವುದರೊಂದಿಗೆ, ಬಿಗ್ ಬಾಸ್ ಮಲಯಾಳಂನಲ್ಲಿ ಗೆದ್ದು ಬೀಗಿದ ಮೊದಲ ಮಹಿಳಾ ಸ್ಪರ್ಧಿ ಎಂಬ ಹೆಗ್ಗಳಿಕೆಗೂ ಪಾತ್ರರಾಗಿದ್ದಾರೆ..
ದಿಲ್ಶಾ ಪ್ರಸನ್ನನ್ ಯಾರು?
25 ಜುಲೈ 1991 ರಂದು ಕೇರಳದ ಕ್ಯಾಲಿಕಟ್‌ನಲ್ಲಿ ಜನಿಸಿದ ದಿಶಾ ಪ್ರಸನ್ನನ್ ಬಿಗ್ ಬಾಸ್ ಮಲಯಾಳಂನಿಂದ ಗಮನ ಸೆಳೆದಿದ್ದಾರೆ.. ಇವರು ವೃತ್ತಿಪರ ನೃತ್ಯಗಾರ್ತಿ. ಕೇರಳದ ಕೊಯಿಲಾಂಡಿಯ ಸರ್ಕಾರಿ ಮಾಪಿಲಾ ವೊಕೇಶನಲ್ ಹೈಯರ್ ಸೆಕೆಂಡರಿ ಶಾಲೆಯಲ್ಲಿ ತಮ್ಮ ಶಾಲಾ ಶಿಕ್ಷಣವನ್ನು ಪೂರ್ಣಗೊಳಿಸಿದರು.
ದಿಲ್ಶಾ ಕೇರಳದ ಫ್ರಾಂಕ್ಲಿನ್ ಇನ್‌ಸ್ಟಿಟ್ಯೂಟ್‌ನಿಂದ ಏರ್ ಹೋಸ್ಟೆಸ್ ಕೋರ್ಸ್ ಅನ್ನು ಸಹ ಪಡೆದಿದ್ದಾರೆ. 2014 ರಲ್ಲಿ, ಅವರು ಡ್ಯಾನ್ಸ್ ರಿಯಾಲಿಟಿ ಶೋ D4 ಡ್ಯಾನ್ಸ್ ಸೀಸನ್ 1 ನಲ್ಲಿ ಭಾಗವಹಿಸಿದರು ಮತ್ತು 4 ನೇ ರನ್ನರ್-ಅಪ್ ಆಗಿ ಹೊರಹೊಮ್ಮಿದ್ದರು.
ಅದರ ಹೊರತಾಗಿ ಅವರು 2016 ರಲ್ಲಿ ಏಷ್ಯಾನೆಟ್ ಟೆಲಿವಿಷನ್ ಪ್ರಶಸ್ತಿಗಳಲ್ಲಿ ಅತ್ಯುತ್ತಮ ಚೊಚ್ಚಲ ಮಹಿಳಾ ಪ್ರಶಸ್ತಿಯನ್ನು ಸಹ ಪಡೆದರು. ಕೇವಲ ಒಂದು ವರ್ಷದ ನಂತರ, 2017 ರಲ್ಲಿ, ಅವರು ರಿಯಾಲಿಟಿ ಶೋ “ಡೇರ್ ದಿ ಫಿಯರ್” ನಲ್ಲಿ ಭಾಗವಹಿಸಿದರು.. ಅವರಿಗೆ 31 ವರ್ಷ ವಯಸ್ಸು..
