(Ramcharan ) ರಾಮ್ ಚರಣ್ RRR ಸಿನಿಮಾ ಮೂಲಕ ಪ್ಯಾನ್ ಇಂಡಿಯಾ ಸ್ಟಾರ್ ಆಗಿರುವ ರಾಮ್ ಚರಣ್ ಗೆ ಈಗ ದೇಶದ ಮೂಲೆ ಮೂಲೆಯಲ್ಲೂ ಅಭಿಮಾನಿಗಳಿದ್ದಾರೆ.. ರಾಮ್ ಚರಣ್ ಸದ್ಯ ಶಂಕರ್ ಜೊತೆಗೆ ತಮ್ಮ ವೃತ್ತಿ ಬದುಕಿನ 15 ನೇ ಸಿನಿಮಾದಲ್ಲಿ ಬ್ಯುಸಿಯಾಗಿದ್ದಾರೆ.. ಈ ಸಿನಿಮಾದಲ್ಲೂ ಡಿಫರೆಂಟ್ ಆಗಿ ಕಾಣಿಸಿಕೊಳ್ತಿದ್ದಾರೆ ಚರಣ್..
ಮಗಧೀರ ಸಿನಿಮಾದಲ್ಲಿ ತನ್ನ ರಾಜ್ಯವನ್ನು ರಕ್ಷಿಸುವ ಯೋಧನಾಗಿ ಕಾಲಭೈರವ ಪಾತ್ರದಲ್ಲಿ ಕಾಣಿಸಿಕೊಂಡ ರಾಮ್ ಚರಣ್ ಅವರು , RRR ನಲ್ಲಿ ಅಲ್ಲೂರಿ ಸೀತಾರಾಜು ಪಾತ್ರದಲ್ಲಿ ಸಂಚಲನ ಸೃಷ್ಟಿಸಿದ್ದರು.. ಇದೀಗ ಚರಣ್ ಸ್ಟಾರ್ ನಿರ್ದೇಶಕ ರಾಮ್ ಚರಣ್ ಸಿನಿಮಾದಲ್ಲಿ ನಟಿಸುತ್ತಿದ್ದು, ಈ ಸಿನಿಮಾಗಾಗಿ ಸಾಕಷ್ಟು ಕಸರತ್ತುಗಳನ್ನು ನಡೆಸುತ್ತಿದ್ದಾರಂತೆ.
ಶಂಕರ್ ಸೆಟ್ಟೇರಿಸುತ್ತಿರುವ ಸಿನಿಮಾ ಕಂಪ್ಲೀಟ್ ಆಕ್ಷನ್ ಓರಿಯೆಂಟೆಡ್ ಮ್ಯೂವಿಯಾಗಿದೆ.
ಹೀಗಾಗಿ ಸಿನಿಮಾದಲ್ಲಿ ಸಾಕಷ್ಟು ಫೈಟ್ಸ್, ಆಕ್ಷನ್ ಸೀಕ್ವೆನ್ಸ್ ಇರಲಿವೆ.
ಈ ಫೈಟ್ಸ್ ಗಳನ್ನು ಮಾಡಬೇಕಾಗಿದ್ರೆ ಫಿಟ್ ಆಗಿ ಇರಬೇಕಾಗುತ್ತದೆ.
ಆ ಫಿಟ್ ನೆಸ್ ಗೋಸ್ಕರ ಒಂದು ಸ್ಪೆಷಲ್ ಲುಕ್ ನಲ್ಲಿ ರಾಮ್ ಚರಣ್ ಕಾಣಿಸಿಕೊಳ್ಳಲಿದ್ದಾರಂತೆ.
ಹೀಗಾಗಿ ಚರಣ್ ಸದ್ಯ ಫುಲ್ ವರ್ಕೌಟ್ ಮಾಡುತ್ತಿದ್ದಾರೆ ಅನ್ನೋದು ಟಾಲಿವುಡ್ ನ ಮಾತಾಗಿದೆ.
ಜೊತೆಗೆ ಸತತವಾಗಿ ವಿಭಿನ್ನವಾಗಿ ಚರಣ್ ಕಾಣಿಸಿಕೊಳ್ಳಲಿದ್ದಾರೆ ಅನ್ನೋ ಮಾತು ಕೂಡ ಟಾಲಿವುಡ್ ನಲ್ಲಿ ನಡೆಯುತ್ತಿದೆ.
ಅದಕ್ಕೆ ತಕ್ಕಂತೆ ಫಿಜಿಕ್ ಕೂಡ ಬದಲಿಸುಕೊಳ್ಳುತ್ತಿದ್ದಾರಂತೆ.
ದಿಲ್ ರಾಜು ನಿರ್ಮಿಸುತ್ತಿರುವ ಈ ಸಿನಿಮಾದಲ್ಲಿ ರಾಮ್ ಚರಣ್ ಜೊತೆ ಕಿಯಾರಾ ಅದ್ವಾನಿ ಕಾಣಿಸಿಕೊಳ್ಳಲಿದ್ದಾರೆ.
ಶೀಘ್ರದಲ್ಲಿಯೇ ಈ ಸಿನಿಮಾದ ಹೊಸ ಶೆಡ್ಯೂಲ್ ಹೈದರಾಬಾದ್ ನಲ್ಲಿ ಶುರುವಾಗಲಿದೆ.
