BiggBoss Kannada 9 : ದೊಡ್ಮನೆಗೆ ಬ್ರಹ್ಮಾಂಡ ಗುರೂಜಿ..!??
ಸೆಪ್ಟೆಂಬರ್ 24 ರಿಂದ ಬಿಗ್ ಬಾಸ್ ಕನ್ನಡ ಸೀಸನ್ 9 ಗ್ರ್ಯಾಂಡ್ ಓಪನಿಂಗ್ ಮೂಲಕ ಶುರುವಾಗಲಿದೆ.. ಈ ಸೀಸನ್ ನಲ್ಲಿ ಸಾಕಷ್ಟು ವಿಶೇಷತೆಗಳು ಹೊಸ ಹೊಸ ರೂಲ್ಸ್ ಗಳಿದೆ.. ಜೊತೆಗೆ ಕೆಲ ಪ್ರಯೋಗಗಳನ್ನೂ ಮಾಡಲು ಬಿಗ್ ಬಾಸ್ ಟೀಮ್ ಮುಂದಾಗಿದೆ..
ಅಂದ್ಹಾಗೆ ಬಿಗ್ ಬಾಸ್ ಮನೆಗೆ ಈ ಬಾರಿ ಯಾರೆಲ್ಲಾ ಸ್ಪರ್ಧಿಗಳು ಎಂಟ್ರಿ ಕೊಡಲಿದ್ದಾರೆ ಅನ್ನೋ ಸಾಕಷ್ಟು ಕುತೂಹಲಗಳಿದೆ.. ಈ ನಡುವೆ ಒಟಿಟಿ ಸೀಸನ್ ನಿಂದ ನೇರವಾಗಿ ಪ್ರವೇಶ ಪಡೆದ ನಾಲ್ವರಂತೂ ಎಲ್ರಿಗೂ ಗೊತ್ತೇ ಇದೆ..
ಸಾನ್ಯಾ ಐಯರ್ , ರೂಪೇಶ್ ಶೆಟ್ಟಿ , ರಾಕೇಶ್ ಆಡಿಗ , ಆರ್ಯವರ್ಧನ್ ಗುರೂಜಿ.. ಹೀಗೆ ನಾಲ್ವರು ಟಿವಿ ಬಿಗ್ ಬಾಸ್ ಗೆ ಆಯ್ಕೆಯಾಗಿದ್ದು , ಸದ್ಯ ಇವರನ್ನ ಬೆಂಗಳೂರಿನ ಐಶಾರಾಮಿ ರೆಸಾರ್ಟ್ ಒಂದರಲ್ಲಿ ಇರಿಸಲಾಗಿದೆ ಎನ್ನಲಾಗಿದೆ..
ಇನ್ನೂ ಈ ನಾಲ್ವರನ್ನು ಹೊರತು ಪಡಿಸಿ ಮಿಕ್ಕ ಸ್ಪರ್ಧಿಗಳು ಯಾರೆಂಬ ಚರ್ಚೆ ಸೋಷಿಯಲ್ ಮೀಡಿಯಾದಲ್ಲಿ ಜೋರಾಗಿದೆ..
ಬಿಗ್ ಬಾಸ್ ನಲ್ಲಿ ಪ್ರತಿ ಬಾರಿಯಂತೆ ಈ ಬಾರಿಯೂ 16 ಸ್ಪರ್ಧಿಗಳು ಮನೆ ಪ್ರವೇಶ ಮಾಡಲಿದ್ದಾರೆ.. 16 ಜನರ ಪೈಕಿ ನಾಲ್ವರು ಈಗಾಗಲೇ ಮನೆಯಲ್ಲಿ ತಮ್ಮ ಸ್ಥಾನವನ್ನ ರಿಸರ್ವ್ ಮಾಡಿಕೊಂಡಾಗಿದೆ..
ಆದ್ರೆ ಉಳಿದ 12 ಮಂದಿ ಯಾರು..?? ಇದನ್ನ ನೋಡುವುದಾದ್ರೆ ಈ ಸೀಸನ್ ನಲ್ಲಿ ಬಿಗ್ ಬಾಸ್ ನ ಹಿಂದಿನ ಸ್ಪರ್ಧಿಗಳು ಕೂಡ ಇರಲಿದ್ದಾರೆ ಎಂದೇ ಹೇಳಲಾಗ್ತಿದೆ..
ಹೌದು..!
ಹಿಂದಿನ ಸೀಸನ್ ಗಳಲ್ಲಿ ಫೇಮ್ ಪಡೆದಿದ್ದ , ಅತಿ ಹೆಚ್ಚು ಕಿರಿಕ್ ಗಳನ್ನ ಮಾಡಿಕೊಂಡವರು , ಹಾಗೆಯೇ ಜನರಿಂದ ಅಪಾರ ಪ್ರೀತಿ ಸಂಪಾದಿಸಿದವರು ಬರಲಿದ್ದಾರೆ ಎನ್ನಲಾಗ್ತಿದೆ.. ಅದ್ರಲ್ಲೂ ಸೀಸನ್ 8 ರ ಫೈನಲಿಸ್ಟ್ ಗಳಾದ ದಿವ್ಯಾ ಉರುಡುಗ ಅರವಿಂದ್ ಕೆಪಿ ಈ ಸೀಸನ್ ನಲ್ಲೂ ಬರಲಿದ್ದಾರೆ ಎನ್ನಲಾಗ್ತಿದ್ದು , ಇವರಿಬ್ಬರ ಅಭಿಮಾನಿಗಳು ಫುಲ್ ಖುಷ್ ಆಗಿದ್ದಾರೆ.. ಮತ್ತೊಮ್ಮೆ ಬಿಗ್ ಬಾಸ್ ಮನೆಯೊಳಗೆ ಆರ್ವಿ ಜೋಡಿ ನೋಡಲು ಕಾಯುತ್ತಿದ್ದಾರೆ..
ಇತ್ತ ಪ್ರಶಾಂತ್ ಸಂಬರ್ಗಿ , ಅನುಪಮ , ದೀಪಿಕಾ ದಾಸ್ ಕೂಡ ಬರಲಿದ್ದಾರೆ ಎಂದೇ ಹೇಳಲಾಗುತ್ತಿದೆ.. ಆದ್ರೀಗ ಹಳೆ ಸ್ಪರ್ಧಿಗಳ ಊಹಾ ಪಟ್ಟಿಗೆ ಮತ್ತೊಬ್ಬರ ಹೆಸರು ಸೇರ್ಪಡೆಗೊಂಡಿದೆ..
ಅದೇ ಬ್ರಹ್ಮಾಂಡ ಗುರೂಜಿ ಅವರ ಹೆಸರು..
ಹೌದು..!
ಸೀಸನ್ 9 ಕ್ಕೆ ಈಗಾಗಲೇ ಆರ್ಯವರ್ಧನ್ ಗುರೂಜಿ ಅವರು ಪ್ರವೇಶ ಪಡೆದಿದ್ದಾರೆ.. ಹೀಗಾಗಿ ಹಳೆ ಸ್ಪರ್ಧಿಗಳಿಗೆ ಚಾನ್ಸ್ ಕೊಡೋದೇ ಆದ್ರೆ ಬ್ರಹ್ಮಾಂಡ ಗುರೂಜಿ ಅವರನ್ನೂ ಮನೆಗೆ ಕಳುಹಿಸಿ.. ಆಗ ಶೋನಲ್ಲಿ ಎಂಟರ್ ಟೈನ್ ಮೆಂಟ್ ಹೆಚ್ಛಾಗಿರುತ್ತದೆ ಎಂದೇ ಸೋಷಿಯಲ್ ಮೀಡಿಯಾದಲ್ಲಿ ನೆಟ್ಟಿಗರು ಡಿಮ್ಯಾಂಡ್ ಮಾಡ್ತಿದ್ದಾರೆ..
ಇನ್ನೂ ಉಳಿದವರು ಅಂದ್ರೆ ಹೊಸಬರು ಯಾರೆಲ್ಲಾ ಬಿಗ್ ಬಾಸ್ ಗೆ ಬರಬಹುದು ಎಂದು ನೋಡಿದ್ರೆ ಮುಂಚೂಣಿಯಲ್ಲಿ ಇರೋ ಹೆಸರೇ…. ನಾನು ಶಿವಣ್ಣ , ಪುನೀತ್ ರಾಜ್ ಕುಮಾರ್ ಅಭಿಮಾನಿ ಎನ್ನುತ್ತಾ ತಾರೆಯರಿಗೇ ತಮ್ಮದೇ ವಿಭಿನ್ನ ಶೈಲಿಯಲ್ಲಿ ಹಾಡು ಹಾಡುತ್ತಾ ಬರ್ತ್ ಡೇ ಗೆ ವಿಷ್ ಮಾಡುತ್ತಾ ಸೋಷಿಯಲ್ ಮೀಡಿಯಾದಲ್ಲಿ ಸಾಕಷ್ಟು ಅಭಿಮಾನಿಗಳನ್ನ ಗಳಿಸಿರುವ ಕಾಫಿನಾಡು ಚಂದ್ರು…
ಹೌದು..! ಕಾಫಿ ನಾಡು ಚಂದ್ರು ಈ ಬಾರಿ ಬಿಗ್ ಬಾಸ್ ಸೀಸನ್ 9 ಕ್ಕೆ ಬರಲೇಬೇಕೆಂದು ಫ್ಯಾನ್ಸ್ ಡಿಮ್ಯಾಂಡ್ ಮಾಡ್ತಿದ್ದಾರೆ.. ಇವರನ್ನ ಹೊರತುಪಡಿಸಿದ್ರೆ , ಜೊತೆಜೊತೆಯಲಿ ಧಾರಾವಾಹಿಯಿಂದ ಹೊರಬಂದಿರುವ ಆರ್ಯವರ್ಧನ್ ಅಲಿಯಾಸ್ ಅನಿರುದ್ಧ , ನಾಗಿಣಿ ಖ್ಯಾತಿಯ ನಮ್ರತಾ ಗೌಡ , ಮಂಗಳಗೌರಿ ಧಾರಾವಾಹಿ ಖ್ಯಾತಿಯ ಕಾವ್ಯಶ್ರೀ , ಸ್ಯಾಂಡಲ್ ವುಡ್ ನ ಸ್ಟಾರ್ ನಟಿ ಪ್ರೇಮ , ನಟಿ ಆಶಿತಾ ಸೇರಿದಂತೆ ಇನ್ನೂ ಹಲವರ ಹೆಸರುಗಳು ಕೇಳಿಬರುತ್ತಿದೆ..
